Inauguración del monumento a Curros Enríquez - Academia Gallega 1934

Edición conmemorativa da inauguración do monumento a Curros Enríquez, nos xardíns de Méndez Núñez da Coruña. O acto celebrouse o sábado 11 de agosto de 1934, coa presenza de Niceto Alcalá Zamora, presidente da República, Alfredo Suárez Ferrín, alcalde da Coruña, e Manuel Lugrís Freire, presidente da Academia.

O 11 de agosto de 1934 inaugurábase nos xardíns de Méndez Núñez da Coruña o monumento dedicado a Manuel Curros Enríquez de Francisco Asorey. Con motivo desta conmemoración, a Real Academia Galega, presidida entón por Manuel Lugrís Freire, publicou un folleto que dá conta dos diversos motivos que foran demorando a execución desta homenaxe ao poeta de Celanova, concibida xa desde o seu falecemento en 1908. Nestas páxinas agradécese ademais o apoio económico recibido das comunidades de emigrantes galegos en Buenos Aires e La Habana.

Neste mesmo espazo pode consultarse o documento das bases da convocatoria para o concurso de proxectos, presentada en 1927 e que ficou deserta, e mais as bases do segundo concurso, de 1928. Ambos os folletos inclúen un plano do emprazamento previsto para o conxunto escultórico e un texto do académico Eladio Rodríguez González sobre Curros xunto cunha listaxe das súas obras.

Segundo recolleu a prensa da época, a presentación do monumento constituíu un acto de grande importancia social e política. A celebración mesmo contou coa presenza do daquela presidente a II República, Niceto Alcalá Zamora, quen lle dedicou un extenso discurso ao poeta de Celanova.